افغانستان سے جلد بازی میں انخلا غیر دانشمندانہ ہوگا: وزیر اعظم
اسلام آباد(نوائے درویش) وزیر اعظم عمران خان کا کہنا ہے کہ امن مذاکرات کا انعقاد جبر کے تحت نہیں کیا جانا چاہیئے، افغانستان سے جلد بازی میں انخلا غیر دانشمندی ہوگا۔
وزیر اعظم عمران خان نے کہا کہ دوحہ مذاکرات سے افغان جنگ خاتمے کے قریب ہے، افغانستان میں امن کا قیام ممکن ہے۔ افغانستان سے جلد بازی میں انخلا غیر دانشمندی ہوگا۔ افغانستان اور خطے کے لیے امید کا سنہری موقع ہے، افغان عوام کے بعد سب سے زیادہ قیمت پاکستانی عوام نے چکائی۔ پاکستان نے 40 لاکھ مہاجرین کی دیکھ بھال کی ذمہ داری نبھائی۔
انہوں نے کہا کہ افغان جنگوں کے باعث پاکستان میں اسلحہ اور منشیات پھیلی، امن مذاکرات کا انعقاد جبر کے تحت نہیں کیا جانا چاہیے، پاکستان افغان میں فریقین پر تشدد میں کمی پر زور دیتا ہے۔
افغان حکومت نے طالبان کو بطور سیاسی حقیقت تسلیم کیا، امید ہے طالبان بھی افغانستان کی پیشرفت کو تسلیم کریں گے۔ پاکستان افغانستان کو عالمی دہشت گردی کی پناہ گاہ بنتے نہیں دیکھنا چاہتا۔وزیر اعظم کا مزید کہنا تھا کہ آزاد اور خود مختار افغانستان کی جدوجہد میں افغان عوام کی حمایت جاری رکھیں گے۔
No comments:
Post a Comment