کورونا ٹیسٹ منفی آگیا
لاہور،کراچی(مانیٹرنگ ڈیسک)قومی کرکٹ ٹیم کے فاسٹ بائولر محمدعامر کا کورونا ٹیسٹ منفی آگیا۔ جس کے بعد اب وہ جلد دورہ انگلینڈ کے لیے روانہ ہوں گے۔
پاکستان کرکٹ بورڈ(پی سی بی) محمد عامر اور محمد عمران کے سفر کے انتظامات کا آغاز کررہا ہے۔ اس حوالے سے تفصیلات جلد جاری کردی جائیں گی۔انگلینڈ کے خلاف سیریز کے لیے ٹیم میں شامل کرنے کے بعد محمد عامر کا دو مرتبہ کرونا ٹیسٹ لینے کا فیصلہ کیا گیا تھا، ایک رپورٹ حالیہ دنوں منفی آئی تھی جبکہ دوسری رپورٹ بھی آج منفی آچکی ہے۔
پاکستان کرکٹ بورڈ(پی سی بی) نے دورہ انگلینڈ کے لیے حارث رؤف کی جگہ محمد عامر کو قومی ٹیم کے اسکواڈ کا حصہ بنایا ہے۔
No comments:
Post a Comment