آرچر کا کھیل سے دل اچاٹ
مانچسٹر(نیٹ نیوز)نسلی بدزبانی پرجوفرا آرچر کا کھیل سے ہی دل اچاٹ ہوگیا، بائیوببل توڑنے والے انگلش فاسٹ بائولر کی تیسرے ٹیسٹ میں بھی شرکت غیریقینی ہوگئی ہے۔
انگلش فاسٹ بائولر جوفرا آرچر کو بائیو سکیورٹی پروٹوکول کی خلاف ورزی پر نہ صرف دوسرے ٹیسٹ سے باہر کیا گیا بلکہ 5 روز کیلئے آئسولیشن اختیار کرنا پڑی، اب وہ 2 کورونا وائرس ٹیسٹ منفی آنے کے بعد باقی سکواڈ کو جوائن کرچکے مگر اس دوران سوشل میڈیا پر بعض لوگوں کی جانب سے نسلی بدزبانی کا سامنا کرنا پڑا، اس سے ان کا کھیل میں دل ہی نہیں لگ رہا جس کی وجہ سے شاید وہ ویسٹ انڈیز سے تیسرے ٹیسٹ میں حصہ بھی نہ لے سکیں۔
آرچر نے کہاکہ رواں ہفتے میدان میں اترنے کیلئے مجھے ذہنی طور پر 100 فیصد درست حالت میں ہونا چاہیے۔اگر میں کھیلا اور 90 میل فی گھنٹہ کی رفتار سے بائولنگ نہیں کرسکا یا باقاعدگی سے میچ کے دوران اس رفتار سے گیند نہ کرپایا تو پھر یہ بھی خبر بن جائے گی، اگر میں واپسی کیلئے خود کو تیار محسوس نہیں کرپایا تب بھی انگلینڈ کے پاس بولنگ وسائل دستیاب ہیں، جب بھی میں میدان میں اتروں 100 فیصد پرفارم کرتا ہوں،میں کبھی نہیں چاہوں گا کہ خود کو بہتر حالت میں نہ سمجھنے کے بغیر میچ کھیلوں۔
No comments:
Post a Comment