میک اپ آخری حربہ اند رکی خوبصورتی چہرے پر چمک لانے کا باعث بنتی ہے:ماہر بیوٹیشن نبیلہ
٭....کم از کم مہینے میں ایک بارفیشل ضرور کروائیں تاکہ سکن صاف ہوجائے
٭....اچھا پارلر میسر نہ ہوتوصرف قدرتی طریقوں سے استفادہ کریں
(انٹرویووتصاویر: شاہدہ بٹ)
نبیلہ معروف بیوٹیشن ہیں۔وہ کافی عرصے سے اس شعبے سے وابستہ ہیں اور پارلر چلارہی ہیں۔حا ل ہی میں ٹیم نوائے درویش نے بیوٹیشن نبیلہ سے ایک ملاقات کی،ان کا خصوصی انٹرویو پیش خدمت ہے۔
نوائے درویش :بطور بیوٹیشن کیریئر شروع کرنے کا خیال کیسے آیا؟
ج:میںآئے روز کچھ نیا کرنے کی کوشش کرتی رہتی ہوں اسی وجہ سے اس فیلڈ میںآئی۔
نوائے درویش :آپ کے خیال میں خوبصورتی کی پہچان کیا ہے؟
ج:یہ کوئی ایسی چیز نہیں ہے ،جسے لفظوں میں بیان کیا جا سکے۔ہر انسان کا معیار حسن دوسروں سے مختلف ہوتا ہے۔اس لئے اس کی کوئی تعریف نہیں کی جا سکتی۔
نوائے درویش:کیا میک اپ خوبصورتی میں اضافے کا باعث بنتا ہے؟
ج:میرا خیال ہے کہ میک اپ آخری حربہ ہے۔سب سے پہلے آپ کے اند رکی خوبصورتی ہے جو آپ کے چہرے پر چمک لانے کا باعث بنتی ہے۔
نوائے درویش: یہ بھی کہا جاتا ہے کہ زیادہ میک اپ کرنے کی وجہ سے سکن سے متعلق مسائل میں اضافہ ہوتا ہے ،آپ کیا کہیں گی؟
ج:بالکل ایسا کچھ نہیں ہے۔جو لوگ غیر معیاری اور سستا میک اپ استعمال کرتے ہیں وہ میک اپ کے ہاتھوں شکار ہو جاتے ہیں۔آپ اچھا معیاری اور برانڈڈ میک اپ جس کے بارے میں آپ کو پتا ہوکہ آپ کی سکن کو سوٹ کرتا ہے وہ خر یدیں،روز رات کو اچھی طرح کلینزنگ کرکے میک اپ اتاریں۔ہو سکے تو دن میں دوبار کلینزنگ کریں۔میک اپ کبھی آپ کی سکن کو خراب نہیں کر سکے گا۔
نوائے درویش:فیشل اور پالش کم از کم کتنے عرصے بعد کروانی چاہئے؟
ج:کم از کم مہینے میں ایک بار اچھا سا فیشل ضرور کروائیں تاکہ آپ کی سکن صاف ہوجائے۔
نوائے درویش:بازار سے ملنے والی کریمیں اور فیشل پیکس وغیرہ کا استعمال خود کرنے سے کن مسائل کا سامنا کرنا پڑ سکتا ہے؟
ج:آج کل ہم سکن کینسر کے بارے میں بہت سن رہے ہیں،یہ سب سکن کی بیماریاں بھی بازاروں اور اشتہاروں سے ملنے والی کریمیں اور ٹوٹکے ہیں۔ان سے جس حد تک ممکن ہو خود کو بچائیں،کبھی بھی غیر معیاری کاسمیٹکس اور نائٹ کریمیں مت خریدیں۔
نوائے درویش:اچھا پارلر میسر نہ ہوتو کیا کریں؟
ج: صرف قدرتی طریقوں سے استفادہ کریں۔
نوائے درویش :گرمیوں کے موسم میں جلد کو کیسے خوبصورت اور ترو تازہ رکھا جا سکتا ہے؟
ج:گرمی اور دھوپ سے خود کو بچا کر رکھیں۔عرقِ گلاب سے تین چار دفعہ دن میں چہرہ ضرور صاف کریں،باقاعدگی کے ساتھ فیشل کرواتی رہیں۔
No comments:
Post a Comment