مال روڈ پرفائیو سٹار ہوٹل بنانے کا فیصلہ
لاہور:مال روڈ پر سٹیٹ گیسٹ ہاؤس کے پارکنگ ایریا میں ملٹی سٹوری فائیو سٹارہوٹل بنانے کا فیصلہ کیاگیاہے۔وزارت خارجہ نے چیف سیکر ٹری کو بلڈنگ پلان اور لینڈ یوز کنورژن کیلئے مراسلہ جاری کردیاہے۔
ذرائع کے مطابق سٹیٹ گیسٹ ہاؤس ہوٹل پراجیکٹ کے تحت فائیو سٹار ہوٹل بنانے کا فیصلہ کیا گیا ہے، اسٹیٹ گیسٹ ہاؤس ہوٹل پر ہیلی پیڈ، کلب اور انٹرنیشنل سہولیات میسر ہوں گی، وزارت خارجہ نے ملٹی سٹوری فائیو سٹار ہوٹل کی تعمیر کیلئے چیف سیکرٹری کو مراسلہ بھی جاری کردیا، چیف سیکرٹری کو 44 ہزار اسکوئر فٹ اراضی پر فائیو سٹار ہوٹل کی تعمیر کیلئے تین تجاویز ارسال کی گئی ہیں۔
فائیو اسٹار ہوٹل کی تعمیر مرکزی عمارت سے 200 فٹ کے فاصلے پر ہوگی، فائیو اسٹار ہوٹل کے بلڈنگ پلان کی منظوری چیف سیکرٹری کی سربراہی میں قائم سپیشل کمیٹی دے گی، سٹیٹ گیسٹ ہاؤس پراجیکٹ کو پبلک پرائیویٹ پارٹنر شپ کے تحت مکمل کیا جائے گا، ماسٹر پلان کے مطابق سٹیٹ گیسٹ ہاؤس انسٹیٹیوشن زون میں فعال کرنا ہے۔
No comments:
Post a Comment