ون ڈے کی کپتانی بابر اعظم کوسونپ دی گئی
لاہور(مانیٹرنگ ڈیسک، نیٹ نیوز) ون ڈے ٹیم کی قیادت بابر اعظم کوسونپ دی گئی۔
سری لنکا سے ہوم ٹی ٹوینٹی سیریز میں کلین سویپ پر سرفراز احمد کو تینوں فارمیٹ کی قیادت سے ہٹاتے ہوئے ٹیم سے بھی ڈراپ کردیا گیا تھا، بابر اعظم کو ٹی ٹوینٹی کا کپتان بناکر آسٹریلیا روانہ کیا گیا،اظہر علی کو ٹیسٹ ٹیم کی کمان سونپی گئی، بعد ازاں پاکستان کا کوئی ون ڈے میچ ہی شیڈول نہ ہونے کے سبب سرفراز احمد کا جانشین مقرر کرنے کی ضرورت پیش نہیں آئی، سری لنکا سے کراچی میں واحد ایک روزہ میچ کیلئے بابر اعظم کو کپتان بنایا گیا لیکن لاک ڈاون کی وجہ سے ٹور ہی ختم کردیا گیا، اب انھیں آئندہ سیزن کیلئے قیادت سونپ دی گئی ہے، اظہر علی کی ٹیسٹ کرکٹ میں کپتانی بھی سال بھر برقرار رہے گی۔
چیف سلیکٹر اور ہیڈ کوچ مصباح الحق نے اس حوالے سے کہا کہ کپتانوں کا اعلان کرکے پالیسی واضح کی گئی،ہم آئندہ ورلڈکپ ذہن میں رکھ کر پلاننگ کررہے ہیں، بابر اعظم سمجھدار کپتان بن رہے ہیں، ان کی انفرادی کارکردگی میں بھی بہتری آئی ہے۔
No comments:
Post a Comment