تندوری چکن رول
اجزا
مرغی کا گوشت، ہڈی کے بغیر آدھا کلو گرام
دہی ایک کپ
لال مرچ پسی ہوئی آدھا چائے کا چمچ
پسی ہوئی کالی مرچ آدھا چائے کا چمچ
گرم مصالحہ آدھا چائے کا چمچ
زیرہ پسا ہواآدھا چائے کا چمچ
نمک حسب ذائقہ
تیل ایک سے دو کھانے کے چمچ
ڈبل روٹی حسبِ ضرورت
پیاز کٹی ہوئی ایک عدد
ہری چٹنی حسب ضرورت
ولایتی پنیرحسب ضرورت
موزریلاچیزحسب ضرورت
تیل حسب ضرورت
ترکیب
ایک برتن میں مرغی کا بغیر ہڈی کا گوشت لیں اس میں دہی، پسی ہوئی لال مرچ، پسی ہوئی کالی مرچ، گرم مصالحہ، پسا ہوا زیرہ اور نمک ملائیں اور اچھی طرح مکس کرنے کے بعد آدھے گھنٹے تک کے لئے اٹھا کرایک طرف رکھ دیں۔اب ایک برتن میں تیل ڈال کر اسے درمیانے درجے کی آنچ پر گرم کریں جب اچھی طرح گرم ہوجائے تو اس میں میرینیٹ کیا ہوا چکن ڈال کر کم از کم 10 منٹ تک پکائیں تاوقتیکہ گوشت کی رنگت تبدیل ہوجائے۔اب لکڑی کے ایک تختے پر ڈبل روٹی کا ٹکڑا رکھ کر اس کے چاروں بھورے کنارے کاٹ دیں پھر بیلن کی مدد سے اسے اچھی طرح چپٹا کرلیں۔ اب اس پر ہری چٹنی کی ایک تہہ لگا کر اس پر پکا ہوا چکن، کٹی ہوئی پیاز، ولایتی پنیر اور موزریلا چیز رکھیں اور اسے رول کرلیں۔اب اس رول کو انڈے کے آمیزے میں ڈبو کر نکالیں اور ڈبل روٹی کے چورے میں لتھیڑ لیں۔
اب ان رولز کو باری باری کڑاھی میں ڈال کر تل لیں، جب زرد سنہری ہوجائیں تو نکال کر ٹشو پیپر پر رکھ لیں تاکہ اضافی تیل جذب ہوجائے۔گرم اور مزیدار تندوری چکن رولز تیار ہیںاسے کھانے کے لئے پیش کریں۔
No comments:
Post a Comment