ہسپتال سے ڈسچارج
ممبئی(نیٹ نیوز)بالی وڈ کی اداکارہ شبانہ اعظمی ہسپتال سے ڈسچارج ہوگئیں۔
شبانہ اعظمی گزشتہ ماہ 18 جنوری کو بھارتی ریاست مہاراشٹر میں ایک روڈ حادثے میں زخمی ہوگئی تھیں۔فلم ساز جاوید اختر کی اہلیہ اپنے شوہر کے ساتھ سفر کر رہی تھیں کہ ان کی گاڑی کو پونے اور ممبئی کے درمیان حادثہ پیش آیا اور حادثہ اس قدر شدید تھا کہ شبانہ اعظمی کی کار کا اگلا حصہ مکمل طور پر تباہ ہوگیا۔حادثے کے دوران شبانہ اعظمی سخت زخمی ہوگئیں تاہم خوش قسمتی سے جاوید اختر اور ان کے ڈرائیور محفوظ رہے اور بعد ازاں اداکارہ کو ممبئی کے نجی ہسپتال منتقل کیا گیا تھا۔ان کو ہسپتال میں 13 دن رہنے کے بعد ڈسچارج کردیا گیا۔
شبانہ اعظمی نے اپنی ٹوئٹ میں مداحوں کو اپنی صحت یابی سے متعلق آگاہ کیا اور بتایا کہ اب وہ ہسپتال سے گھر آ چکی ہیں۔اداکارہ نے ہسپتال سے ڈسچارج کیے جانے پر ہسپتال انتظامیہ کا بہتر علاج کرنے اور بہتر خیال رکھنے پر شکریہ بھی ادا کیا اور ساتھ ہی انہوں نے مداحوں کا بھی شکریہ ادا کیا۔
خیال رہے کہ شبانہ اعظمی کے روڈ حادثے کے بعد بھارتی خاتون صحافی، فوٹوگرافر، تنقید نگار اور بلاگر سنجکتا باسو نے اداکارہ کے حادثے سے متعلق سوالات اٹھا کر کئی لوگوں کو سوچنے پر مجبور کردیا تھا۔
No comments:
Post a Comment