لیڈی بوم بوم کہلانا جارحانہ بیٹنگ کا حوصلہ دیتا ہے: ندا ڈار
کراچی (نیٹ نیوز)پاکستان ویمن کرکٹ ٹیم کی آل راونڈر ندا ڈار کہتی ہیں کہ وہ پاکستان کی بہترین آل راونڈر بننا چاہتی ہیں، لوگ جارحانہ انداز کی وجہ سے لیڈی بوم بوم کہتے ہیں اور یہ ٹائٹل انہیں ہر بار جارح انداز میں بیٹنگ کرنے کا حوصلہ دیتا ہے۔کراچی میں ندا ڈار نے انٹرویو میں کہا کہ پچھلے دنوں ان کی فارم خراب ضرور تھی لیکن کیمپ میں انہوں نے کافی محنت کی اور اب وہ سکور بورڈ پر رنز سجانے کے لیے تیار ہیں، امید ہے کہ ورلڈ کپ میں اچھا پرفارم کریں گی۔انہوں نے کہا کہ اگر انہیں موقع ملا تو وہ ٹی ٹونٹی میں تیز ترین ففٹی کا ریکارڈ بھی اپنے نام کرلیں گی۔خیال رہے کہ ندا ڈار اس وقت پاکستان کی جانب سے تیز ترین ففٹی کا ریکارڈ رکھتی ہیں، انہوں نے 20 گیندوں پر نصف سنچری اسکور کی جب کہ عالمی ریکارڈ 18گیندوں پر سنچری کا ہے۔ایک سوال پر انہوں نے کہا کہ وہ ہمیشہ ہی شاہد آفریدی کی مداح رہی ہیں اور ان کو دیکھ کر ہی جارح مزاج بلے بازی کو اپنایا، جب شاہد آفریدی نے ان کی تعریف کی تھی تو بہت اچھا لگا تھا۔33 سالہ ندا ڈار 74 ایک روزہ اور 98 ٹی ٹونٹی میچز میں پاکستان کی نمائندگی کرچکی ہیں اور ان کی اگلی اسائنمنٹ آسٹریلیا میں آئی سی سی ویمن ٹی ٹونٹی ورلڈ کپ ہے۔
No comments:
Post a Comment