بنگلہ دیش کرکٹ ٹیم لاہورپہنچ گئی
لاہور(مانیٹرنگ ڈیسک)پاکستان کے خلاف ٹی ٹونٹی کی سیریز کھیلنے کے لیے بنگلہ دیش کرکٹ ٹیم لاہور پہنچ گئی۔
بنگلہ دیش کی ٹیم خصوصی طیارے کے ذریعے لاہور ایئرپورٹ پہنچی جہاں پاکستان کرکٹ بورڈ (پی سی بی) کے ڈائریکٹر انٹرنیشنل کرکٹ ذاکر خان کی قیادت میں وفد نے مہمان ٹیم کا استقبال کیا۔ٹیم کو لاہور ایئرپورٹ کے خصوصی ٹرمینل سے سخت سکیورٹی حصار میں ہوٹل پہنچایا گیا۔ہوٹل پہنچنے پر بنگلادیشی کپتان محمود اللہ سمیت کھلاڑیوں کو پھولوں کے گلدستے پیش کیے گئے، جبکہ ہوٹل میں موجود افراد نے بنگلہ دیشی کھلاڑیوں کو پاکستان پہنچنے پر خوش آمدید کہا۔
سری لنکا کے آئی سی سی میچ ریفری رنجن مدوگالے اور نیوزی لینڈ کے کمنٹیٹر ڈینی مورسن بھی لاہور پہنچ گئے ۔ واضح رہے کہ پاکستان اور بنگلہ دیش کے درمیان پہلا ٹی ٹونٹی میچ 24 جنوری کو قذافی سٹیڈیم میں کھیلا جائے گا۔
No comments:
Post a Comment