بھارت نے نیوزی لینڈ کودوسرا ٹی20 بھی ہرادیا
آکلینڈ(نیٹ نیوز)بھارت نے لوکیش راہل اور باولرز کی عمدہ کارکردگی کی بدولت نیوزی لینڈ کو دوسری ٹی20 میچ میں باآسانی 7وکٹوں سے شکست دے کر پانچ میچوں کی سیریز میں 0-2 کی برتری حاصل کر لی۔
آکلینڈ میں کھیلے گئے سیریز کے دوسرے میچ میں ٹاس جیت کر پہلے بیٹنگ کرنے والی نیوزی لینڈ کی ٹیم کو اوپنرز نے 48رنز کا اچھا آغاز فراہم کیا۔بھارت کو پہلی کامیابی ایک مرتبہ پھر مارٹن گپٹل کی شکل میں ملی جو 20 گیندوں پر 2 چھکوں اور 4 چوکوں کی مدد سے 33 رنز بنانے کے بعد شردل ٹھاکر کی وکٹ بن گئے۔سکور 68 تک پہنچا تو کولن منرو بھی 25 گیندوں پر 26 رنز کی اننگز کھیلنے کے بعد شیوم دوبے کی گیند پر کپتان ویرات کوہلی کو کیچ دے بیٹھے۔
رتی ٹیم کو بڑی کامیابی اس وقت ملی جب کولن ڈی گرینڈ ہوم ایک اور مرتبہ ناکامی سے دوچار ہو کر پویلین لوٹے جبکہ 81 کے اسکور پر کین ولیمسن کی وکٹ گری تو نیوزی لینڈ کی ٹیم 81رنز پر چار کھلاڑیوں سے محروم ہو چکی تھی۔اس مرحلے پر روس ٹیلر اور ٹام سیفرٹ کی جوڑی نے 44 رنز جوڑ کر ٹیم کی کچھ داد رسی کی لیکن بھارتی باو ¿لرز کی نپی تلی باو ¿لنگ کے سبب وہ تیزی سے رنز بنانے میں ناکام رہے۔
ٹیلر نے 24 گیندوں پر 18 جبکہ سیفرٹ نے 33 رنز بنائے اور نیوزی لینڈ کی ٹیم مقررہ اوورز میں 5وکٹوں کے نقصان پر 132رنز ہی بنا سکی۔بھارتی کی جانب سے رویندرا جدیجا دو وکتوں کے ساتھ سب سے کامیاب باو ¿لر رہے جبکہ ٹھاکر، جسپریت بمراہ اور دوبے نے ایک ایک وکٹ لی۔133 رز کے آسان ہدف کے تعاقب میں ٹم ساو ¿دھی نے اپنی ٹیم کو ابتدا میں ہی روہت شرما کی قیمتی وکٹ دلا کر کچھ آس دلائی جبکہ 39 کے مجموعی اسکور پر کوہلی کی اننگز بھی صرف 11 رنز پر تمام ہوئی۔اس مرحلے پر لوکیش راہل وکٹ پر ڈٹ گئے اور ان فارم بلے باز نے ایک مرتبہ پھر عمدہ کھیل پیش کرتے ہوئے 50 گیندوں پر ناقابل شکست 57رنز کی اننگز کھیل کر اپنی ٹیم کو 15 گیندوں قبل ہی فتح سے ہمکنار کرا دیا، ان کی اننگز میں 2 چھکے اور 3 چوکے شامل تھے، شریاس آئیر نے بھی 3 چھکوں کی مدد سے 44 رنز بنائے۔اس میچ میں 7 وکٹوں سے فتح کی بدولت بھارت نے پانچ میچوں کی سیریز میں 0-2 کی برتری بھی حاصل کر لی۔
No comments:
Post a Comment