ملتان ٹیسٹ۔۔۔۔انگلینڈ نے میچ بھی جیتااور سیریز بھی۔۔۔۔ٹرننگ پوائنٹ کیا تھا؟

ملتان میں انگلینڈ نے پاکستان کے خلاف دوسرا ٹیسٹ میچ جیت کر میچ کے ساتھ ساتھ سیریز بھی جیت لی۔ پہلے میچ کی طرح پاکستان فتح کے قریب آکر اس سے دور ہوگیا اور انگلش بائولروںنے اچھا پرفارم کیااور اپنی ٹیم کوکامیابی دلائی۔پاکستان کی ٹیم جیت کے قریب آکر ایک بار پھر دل کے ارمان آنسوئوں میں بہہ گئے۔دوسرے ٹیسٹ میچ میں پاکستان کے بائولروںنےتو عمدہ کارکردگی دکھائی لیکن ہمیشہ کی طرح پاکستان کی بیٹنگ لائن کامیابی دلانے میں ناکام رہی۔کبھی اوپننگ نے اچھا پرفارم نہیں کیا تو کبھی مڈل آرڈربری طرح ناکام ہوگیا اور میچ کے ساتھ ساتھ سیریز بھی انگلینڈ کی ہوئی۔

انگلینڈ کو ٹیسٹ سیریز میں دو صفر کی برتری ہوگئی ،انگلینڈ نے دوسرا ٹیسٹ میں پاکستان کو26 سکور سےشکست دی ہے۔ملتان میں ٹیسٹ سیریز کے دوسری اننگز میں 355 رنز کے ہدف کے تعاقب میںپاکستانی ٹیم328 رنز بناسکی۔پاکستان کی طرف سے عبداللہ شفیق45،محمد رضوان30،بابر اعظم1،انعام الحق60،فہیم اشرف10رنز،سعود شکیل94،محمدنواز45 رنز،ابرار احمد17، زاہد محمود صفر رنزمحمد علی نے بھی صفر رنز بنائے۔انگلینڈ کی طرف سے بائولنگ کرتے ہوئے اولی روبنسن نے دو، جیک لیچ ایک، جو روٹ ایک، مارک وڈچار، جیمز اینڈرسن نے دو وکٹ حاصل کی ہے۔پاکستان نے چوتھے روز اپنی اننگز کا آغاز چار وکٹوں کے نقصان پر 198 رنز سے کیا تھا، چوتھے روز پاکستان کو فہیم اشرف، محمد نواز، سعود شکیل، ابرار احمد اور زاہد محمود کی صورت میں نقصان اٹھانا پڑے۔

میچ کاٹرننگ پوائنٹ کیا تھا؟

ملتان ٹیسٹ میں پاکستانی بیٹسمین سعود شکیل کا تھرڈ امپائر کا متنازع فیصلہ بائولروں کے حق میںرہا۔مارک ووڈ کی گیند سعود شکیل کے بیٹ کو چھوتی ہوئی وکٹ کیپر اولی پوپ کے پاس گئی، اولی پاپ نےڈائیو لگاکر کیچ تو کرلیا لیکن اگر بار بار دیکھاجائے تو یہ اندازہ ہوجاتا تھا ہے کہ بال زمین کو لگ گئی تھی اگرچہ کیپر کے گلوز میں تھی لیکن فیصلہ تھرڈایمپائر کے پاس گیا۔تھرڈ امپائر نے اس فیصلے کو آئوٹ قرار دیا ۔یہ میچ کا ٹرننگ پوائنٹ تھا۔ سعود شکیل پویلین لوٹ گئے تھے ۔ یہ وہ متنازع فیصلہ تھا سعود کے پویلین لوٹنے کی دیر تھی کہ پاکستانی کھلاڑی جم کر نہ کھیل سکے اور ایک کے بعد وکٹ گرتی گئی ،اس آئوٹ کی وجہ سے میچ کا فیصلہ بدل گیا اور پاکستانی ٹیم میچ ہارگئی۔نواز کے آؤٹ ہونے کے بعد سعود شکیل بھی ایک متنازع کیچ پر آؤٹ ہوگئے، وہ 94 رنز بناکر آؤٹ ہوگئے۔

وقار یونس نے سعود شکیل کے آؤٹ کو متنازع قرار دیا

قومی کرکٹ ٹیم کے سابق کپتان وقار یونس نے سعود شکیل کے آؤٹ کو متنازع قرار دیتے ہوئے کہا تھرڈ امپائر کا فیصلہ میرے لیے حیران کن تھا۔میرے خیال میں گیند زمین پر لگ گئی تھی۔مجھے نہیں معلوم کہ تھرڈ امپائر نے ری پلے میں کیا دیکھا۔

تیسرا روز:

تیسرے روز کے اختتام پر کریز پر فہیم اشرف اور سعود شکیل موجود تھے، دونوں کے رنز بالترتیب 3 اور 54 تھے۔عبداللہ شفیق کے ساتھ اوپننگ کے لیے آنے والے محمد رضوان 30 رنز بنا کر جیمز اینڈرسن کی گیند پر آئوٹ ہوئے جب کہ کپتان بابر اعظم ایک رن پر اولی روبنسن کا شکار بنے۔عبداللہ شفیق کو 45 رنز پر مارک ووڈ نے بولڈ کیا۔ امام الحق 60 رنز بنا کر جیک لیچ کی گیند پر آؤٹ ہوئے۔

اس سے پہلے تیسرے روز مہمان ٹیم دوسری اننگز میں 275 رنز بنا کر آؤٹ ہوئی تھی جب کہ پاکستان کو جیت کے لیے 355 رنز کا ٹارگٹ دیا گیا۔

دوسرا روز:

ملتان ٹیسٹ کت دوسرے روز انگلینڈ کے زیک کرالی 3، بین ڈکٹ 79، ول جیکس 4، اولی پوپ 4، جو روٹ 21 رنز بناکر آؤٹ ہو گئے، ابرار احمد نے 3 وکٹ لیں جب کہ زیک کرالی اور اولی پوپ کو رن آؤٹ کیا گیا۔انگلینڈ کی طرف سے ہیری بروک 74 اور بین اسٹوکس 16 رنز بنا کر کریز پر موجود رہے۔بعدازاں پاکستانی ٹیم پہلے سیشن میں انگلینڈ کے 281 رنز کے جواب میں محض 202 رنز بنا کر آل آؤٹ ہوگئی تھی۔قومی ٹیم نے 2 وکٹوں کے نقصان پر 107 سے اننگز کا آغاز کیا لیکن پاکستان کے 8 بیٹرز دوسرے روز محض 95 رنز مجموعی طور پرکرسکی۔کپتان بابراعظم 75 ، سعود شکیل 63 ، محمد رضوان 10، آغا سلمان 4، محمد نواز 1 جبکہ محمد علی صفر پر آؤٹ ہوئے، فہیم اشرف 22، زاہد محمود صفر جبکہ ابرار احمد نے ناقابل شکست 7 رنز بنائے۔انگلینڈ کی جانب سے جیک لیچ نے 4، جو روٹ نے 2 جب کہ اولی روبنسن اور جیمز اینڈرسن نے ایک ایک وکٹ لی۔

پہلا روز:

ملتان ٹیسٹ کا پہلا روز پاکستانی مداحوں کے لیے کافی اچھا رہا کیونکہ ڈیبیو بائولر ابرار احمد نے انگلش ٹیم کے 7 کھلاڑیوں کو پویلین کی راہ دکھائی۔ ابرار نے ڈیبیو ٹیسٹ میں جن بیٹرز کو آؤٹ کیا ان میں زیک کرالی 19، بین ڈکٹ 63، اولی پوپ 60، جو روٹ 8، ہیری بروک 9، کپتان بین اسٹوکس 30، ول جیکس 31 رنز بناکر آؤٹ ہوئے۔ زاہد محمود نے اولی روبنسن، جیک لیچ اور جیمز اینڈرسن کی وکٹیں حاصل کیں، قومی ٹیم کی بیٹنگ کے آغاز پر اوپنر امام الحق صفر جب کہ عبداللہ شفیق 14پر آؤٹ ہوئے۔کپتان بابراعظم اور سعود شکیل نے 90 رنز کی پارٹنرشپ قائم کی تاہم بابر 75 رنز بناکر آؤٹ ہو گئے تھے۔

مسٹری سپنر کا یادگار ٹیسٹ

ڈیبیو کرنے والے مسٹری اسپنر ابرار احمد کے لیے ملتان ٹیسٹ یاد گار بن گیا۔ابرار احمد نے انگلینڈ کی پہلی اننگز میں 7 وکٹیںجبکہ دوسری اننگز میں مزید 4 وکٹیں لیں۔ان سے پہلے پاکستان کے سابق فاسٹ بولر محمد زاہد ڈیبیو پر 11 وکٹیں لے

چکے ہیں

ُُاچھی فائٹ کی لیکن فنش نہیں کرسکے‘‘

قومی ٹیم کے کپتان بابر اعظم کا کہنا تھا ہم نے ملتان ٹیسٹ میں اچھا مقابلہ کیا لیکن اچھا فنش نہ کر سکے۔ہم نے پہلی اننگز میں اچھی بیٹنگ نہیں کی اور چند کھلاڑیوں نے اپنی وکٹیں گنوائیں لیکن دوسری اننگزمیں ہم نے بولنگ میں اچھی فائٹ کی لیکن بدقسمتی سے اچھا فنش نہیں کر سکے۔دوسری اننگز میں بیٹرز نے بھی اچھا مقابلہ کیا، امام اور سعود شکیل اور پھر سعود اور نواز کے درمیان اچھی شراکت قائم ہوئیں، ٹیل اینڈرز نے بھی اچھا مقابلہ کیا لیکن فنش نہ کر سکے۔

ابرار احمد کے حوالے سے بابر اعظم کا کہنا تھا اس کا بہت ہی شاندار آغاز ہوا۔ ابرار نے کنڈیشنز سے فائدہ اٹھاتے ہوئے بہت اچھی بولنگ کی، اس کے لیے یہ ٹیسٹ ابرار کے لیے یادگار رہے گا۔کراچی ٹیسٹ میں اچھا کرنے کی کوشش کریں گے اور کوشش کریں گے کہ جو غلطیاں اس ٹیسٹ میں ہوئیں انہیں نہ دھرایا جائے۔

’’ دوسری ٹیموں کو بھی پاکستان آنا چاہیے‘‘

انگلش ٹیم کے فاسٹ بائولر مارک ووڈ نے پاکستان کی مہمان نوازی اور یہاں کے لوگوں کی تعریف کی ۔مارک ووڈ نے کہا کہ پاکستان کی مہمان نوازی سے بہت خوش ہوا، یہاں کے کراؤڈ نے بھی میچ کے دوران سپورٹ کیا۔ انگلینڈ سے آئے فینز بھی یہاں خوب انجوائے کررہے ہیں۔ پاکستان اچھا ملک ہے، مجھے یہاں کوئی تکلیف یا مشکل نہیں ہوئی، دوسری ٹیموں کو بھی یہاں آنا چاہیے۔

’’خوش ہوں لیکن بدقسمتی سے نتیجہ ہمارے حق میں نہیں آیا‘‘

پاکستان کرکٹ ٹیم ہیڈ کوچ ثقلین مشتاق کا کہنا ہے ملتان ٹیسٹ میں قومی ٹیم کے کھلاڑیوں کی کارکردگی سے خوش ہوں۔ انگلینڈ کی ٹیم تجربہ کار کھلاڑیوں پر منحصر ہے، پاکستانی کھلاڑیوں کے پاس ریڈ بال کا زیادہ تجربہ نہیں ہے۔ سعود شکیل اور محمد نواز کی جیتنی تعریف کی جائے کم ہے، امام الحق اسپتال سے آئے اور اچھی بیٹنگ کی۔ خوش ہوں لیکن بدقسمتی سے نتیجہ ہمارے حق میں نہیں آیا، کراچی کی وکٹ بھی سپنرز کے لیے سازگار ہو گی۔ سیریز ہار گئے لیکن آخری ٹیسٹ جیت کر انگلینڈ کو جواب دینا چاہتے ہیں، آپ یا تو جیتے ہیں یا سیکھتے ہیں، امید ہے کھلاڑیوں نے بہت کچھ سیکھا ہو گا۔جو غلطیاں ہوئیں اس کا جائزہ لیں گے۔

نوائے درویش