گلگت بلتستان ہمارے ملک کی خوبصورت ترین جگہ ہے۔وزیراعظم عمران خان نے گلگت بلتستان کیلئے 370 ارب روپے کے ترقیاتی پیکج کا اعلان کیا۔
وزیر اعظم پاکستان نے گلگت بلتستان کے لئے میگا ترقیاتی پراجیکٹس کا اعلان کیا ، احساس کے 3بڑے پروگراموں کا بھی آغاز کیاگیا ہے، جس میں احساس نشونما، احساس انڈرگریجویٹ وسیکنڈری ایجوکیشن سکالرشپ اور احساس ایک عورت ایک اکاؤنٹ شامل ہیں۔
وزیر اعظم فیز ٹوآپٹیکل فائبرکیبل کے منصوبے کا سنگ بنیادبھی رکھاگیا ہے، منصوبہ سی پیک کی 8ہزارکلومیٹرطویل شاہراؤں سے منسلک ہے۔ کے ٹوبیس کیمپ میں کونکورڈیا بی ٹی ایس کا بھی افتتاح کیاگیا، کونکورڈیا بی ٹی ایس کوہ پیماسد پارہ کی یاد میں تعمیر کیا گیا ہے۔ہنزہ میں سافٹ ویئرٹیکنالوجی پارک کا سنگ بنیاد بھی رکھاگیا۔پانچ سالہ ترقیاتی پیکج میں گلگت بلتستان کی جنگلی حیات کی افزائش اور نیشنل پارکس کے قیام کے حوالے سے بھی منصوبے شامل ہیں جبکہ گلگت بلتستان میں تھری جی اور فور جی سروس مہیا کرنے کے حوالے سے پیکج میں خصوصی توجہ دی گئی ہے
گلگت بلتستان میں سب سے بڑا مسئلہ بجلی کے شارٹ فال کا ہے، جس سے گھریلو صارفین کے علاوہ سیاحتی شعبہ بھی شدید متاثر ہو رہا ہے۔اس ترقیاتی پیکج میں بجلی کی پیداوار بڑھانے پر خصوصی توجہ دی گئی ہے اور اس سلسلے میں 11 منصوبے پیکج میں شامل کیے گئے ہیں۔
اس پیکج میں شامل توانائی کے منصوبوں سے کافی حد تک بہتری آئے گی۔
وزیر اعظم پاکستان عمران خان نے کہا گلگت بلتستان میں ترقی کے لئے پیکیج لے کر آئےہیں۔گلگت بلتستان کی خوبصورتی نے مجھے ہمیشہ مسحور رکھا۔جی بی کا اصل پوٹینشل سیاحت ہے۔گلگت بلتستان میں سیاحت کے اتنے مواقع موجود ہیں کہ یہ مرکز سے پیسے لینے کی بجائے اسے دے سکتا ہے، گلگت بلتستان کیلئے 370 ارب روپے کا پیکیج شروعات ہے مزید بھی مدد کریں گے۔سکردو ایئرپورٹ سے بین الاقوامی پروازیں چلائی جائیں گی۔میں نے سوئٹزرلینڈ سمیت دنیا کے خوبصورت علاقے دیکھے تاہم مجھے فخر ہے کہ گلگت بلتستان ان سے بہت خوبصورت ہے، یہاں دنیا کے بڑے پہاڑی سلسلے، سرسبز میدان زیادہ خوبصورت ہیں۔
No comments:
Post a Comment