پاکستان سمیت کئی ممالک میں وٹس ایپ سروس عارضی معطلی کے بعد بحال
کراچی (مانیٹرنگ ڈیسک)پاکستان اور بھارت سمیت دنیا بھر میں وٹس ایپ کی سروس جزوی معطلی کے بعد بحال ہوگئی۔سماجی رابطے کی معروف ایپ وٹس ایپ کی سروس پاکستان، بھارت اور برطانیہ سمیت دنیا کے مختلف ممالک میں معطل ہوئی تھی۔
وٹس ایپ کی سروس معطل ہونے سے لاکھوں صارفین کو مشکلات کا سامنا کرنا پڑا جس کے باعث صارفین کو پیغامات بھیجنے اور وصول کرنے میں پریشانی رہی۔اس سے قبل بھی گزشتہ ماہ واٹس ایپ کی سروس میں خرابی کی شکایت موصول ہوئی تھی۔دوسری جانب مائیکرو بلاگنگ ویب سائٹ ٹوئٹر پر وٹس ایپ کی سروس معطل ہونے کے باعث وٹس ایپ کا ہیش ٹیگ سر فہرست ٹرینڈ کر رہا ہے۔
صارفین نے جہاں وٹس ایپ کا ہیش ٹیگ استعمال کرتے ہوئے سروس کی معطلی کے بارے میں شکایت کی وہیں کچھ مزاحیہ تبصرے کرتے نظر آئے ہیں۔
No comments:
Post a Comment