باﺅلر سے ٹکر،سیم ہارپر کے سر پر چوٹ لگ گئی
میلبورن( مانیٹرنگ ڈیسک) وکٹ کیپر بیٹسمین سیم ہارپر سنگل لینے کے دوران ہوبارٹ ہوریکنز کے فاسٹ باﺅلر ناتھن ایلس سے ٹکرا کر سر پر چوٹ کھا بیٹھے۔بگ بیش میں میلبورن رینیگیڈز کے وکٹ کیپر بیٹسمین سیم ہارپر سنگل لینے کے دوران ہوبارٹ ہوریکنز کے فاسٹ باﺅلر ناتھن ایلس سے ٹکرا کر سر پر چوٹ کھا بیٹھے، اگرچہ انھوں نے تصادم سے بچنے کی کوشش کی مگر زوردار ٹکر سے سر کے بل نیچے گرے، فوری طور پر ڈاکٹرز نے ان کا جائزہ لیا۔اگرچہ وہ بیٹنگ جاری رکھنا چاہتے تھے مگر انھیں وہاں سے معائنے کیلئے ہسپتال لے جایا گیا،سر پر چوٹ کے متبادل کا پہلی بار بگ بیش لیگ میں استعمال کرتے ہوئے ٹام کوپر کو دوران میچ الیون کا حصہ بنایا گیا۔
No comments:
Post a Comment