عائزہ خان نے خاموشی توڑدی
لاہور(نیٹ نیوز)اداکارہ عائزہ خان نے خاموشی توڑ دی،مقبول ڈرامے ’میرے پاس تم ہو‘ کی آخری قسط 25 جنوری کی شب نشر کی گئی تھی جسے سینما گھروں میں بھی دکھایا گیا تھا۔
ڈرامے کی اخری قسط نے بھی مداحوں کو بہت جذباتی کردیا تھا کیوں کہ آخری قسط میں ڈرامے کے اہم کردار اور اپنی اہلیہ کی بے وفائی کے شکار ’دانش‘ (ہمایوں سعید) کی موت ہوگئی تھی۔دانش کو آخری قسط میں ایسا دل کا دورہ پڑا کہ وہ دوبارہ جاں بر نہ ہوسکا اور وہ بے وفا مہوش کو چھوڑ کر چلا گیا۔
تاہم اب پہلی بار ڈرامے میں بے وفا مہوش کا کردار ادا کرنے والی اداکارہ عائزہ خان نے اپنے کردار پر بات کی ہے۔
عائزہ خان نے ڈرامے میں ’مہوش‘ نامی کردار ادا کیا تھا جو دانش کی اہلیہ ہوتی ہیں تاہم بعد ازاں وہ پیسوں کی لالچ میں اس کے ساتھ بے وفائی کرکے ان سے طلاق لے لیتی ہیں اور ایک امیر شخص سے تعلقات استوار کرتی ہیں۔اگرچہ ڈرامے کے نشر ہونے سے اس کے اختتام تک عائزہ خان کو ’مہوش‘ کا کردار ادا کرنے پر خوب تنقید کا نشانہ بنایا جاتا رہا تاہم وہ اب تک خاموش تھیں لیکن ڈرامے کی اخری قسط نشر ہوتے ہی انہوں نے اپنی خاموشی توڑ دی۔
اداکارہ نے اپنی مختصر پوسٹ میں لکھا کہ 25 جنوری کی شب لوگ اخری بار ’مہوش‘ کے کردار کو ٹی وی پر دیکھیں گے اس کے بعد ’مہوش‘ غائب ہوجائے گی۔انہوں نے لکھا کہ ’مہوش‘ کا کردار ادا کرنا ان کے کیریئر کا مشکل ترین مرحلہ تھا تاہم اب وہ وقت آچکا کہ ہم مشکل ترین کردار کو خدا حافظ کہیں۔
No comments:
Post a Comment