”میرے پاس تم ہو“کا سیکوئل بھی آسکتا ہے، خلیل الرحمٰن قمر
کراچی( نیٹ نیوز)پاکستان کے نامور مصنف خلیل الرحمٰن قمر کاکہنا ہے کہ ”میرے پاس تم ہو“کا سیکوئل بھی آسکتا ہے۔
انہو ںنے اپنے کیریئر میں کئی کامیاب ڈراموں کی کہانیاں تحریر کی تاہم ان کے ڈرامے ”میرے پاس تم ہو“ نے پاکستانی ٹیلی ویژن انڈسٹری میں نئی تاریخ رقم کردی۔ویسے تو اس ڈرامے نے اب تک مداحوں کو خوب محظوظ کیا تاہم 25 جنوری 2020 کو سامنے آئی اس ڈرامے کی آخری قسط کو جہاں کچھ افراد نے پسند کیا وہیں متعدد افراد نے اسے تنقید کا نشانہ بھی بنایا۔جبکہ کئی مداحوں کے لیے اس ڈرامے کا آخر مایوس کن رہا کیوں کہ یہ ڈرامے کے مرکزی کردار 'دانش' کے انتقال پر ختم ہوا۔
خیال رہے کہ 'میرے پاس تم ہو' میں دانش کا کردار ہمایوں سعید، مہوش کا کردار عائزہ خان اور شہوار کا کردار عدنان صدیقی نے نبھایا۔
ویسے تو اب اس ڈرامے کا اختتام ہوچکا ہے تاہم ابھی سے اس ڈرامے کے سیکوئل کی خبریں سامنے آنا شروع ہوچکی ہیں جبکہ اب ڈرامے کے مصنف خلیل الرحمٰن قمر نے خود بھی اس حوالے سے ایک اہم اعلان کردیا۔
ایک انٹرویو میں میزبان نے خلیل الرحمٰن قمر سے ڈرامے کے سیکوئل کے حوالے سے سوال کیا۔اس پر خلیل الرحمٰن قمر کا کہنا تھا کہ 'عام طور پر میں اپنے ڈراموں کا سیکوئل تحریر نہیں کرتا لیکن میں سوچوں گا کہ اس ڈرامے کا سیکوئل لکھ دوں۔ان کا مزید کہنا تھا کہ 'میں پہلی دفعہ سوچ رہا ہوں کہ اپنے ڈرامے کا سیکوئل لکھوں۔
No comments:
Post a Comment