امریکہ کشمیر کے مسئلے کو حل کرنے میں کردار ادا کرسکتا ہے،ٹرمپ کی وزیر اعظم پاکستان سے ملاقات
ڈیووس(مانیٹرنگ ڈیسک )ورلڈ اکنامک فورم میں شریک وزیر اعظم عمران خان اور امریکی صدر ڈونلڈ ٹرمپ کے درمیان ملاقات ہوئی جس میں ٹرمپ نے مسئلہ کشمیر پر بات چیت کی خواہش کا اظہار کیا اور کہا کہ امریکہ کشمیر کے مسئلے کو حل کرنے میں کردار ادا کرسکتا ہے۔
عالمی میڈیا کے مطابق ڈیووس میں منعقدہ ورلڈ اکنامک فورم کے دوران وزیر اعظم عمران خان اور امریکی صدر ڈونلڈ ٹرمپ کے درمیان ملاقات ہوئی جس میں دونوں اطراف کے وفود بھی موجود تھے۔ پاکستانی وفد میں وزیر خارجہ شاہ محمود قریشی، وزیر تجارت عبدالرزاق داو ¿د، زلفی بخاری اور معید یوسف بھی موجود تھے۔
امریکی صدر نے کہا کہ ہم کشمیر پر بات کر رہے تھے اور اسی تعلق سے پاکستان اور بھارت کے درمیان اس معاملے کو حل کرنے کے لیے درکار مدد بات چیت کی گئی، یقیناً ہم مدد کریں گے، ہم اس معاملے کو بہت قریب سے دیکھ رہے ہیں لیکن آج مجھے اپنے دوست (عمران خان) سے ملنا باعثِ فخر ہے۔
صحافی نے ٹرمپ کے دورہ پاکستان پر سوال کیا تو جواب میں ٹرمپ نے عمران خان کی طرف اشارہ کرتے ہوئے کہا کہ اگر یہ مجھے بلائیں گے تو میں پاکستان ضرور جاو ¿ں گا، دونوں ممالک کے درمیان بہترین تعلقات قائم ہیں بلکہ میں تو یہ کہتا ہوں کہ دونوں ممالک جتنے آج ایک دوسرے کے قریب ہیں ماضی میں پہلے کبھی نہ تھے، میں ہمیشہ سے کہتا رہا ہوں کہ ہم ایک دوسرے کے قریب رہے ہیں، پاکستان اور امریکا کے درمیان اچھے تعلقات اچھے ہیں عمران خان دوست ہیں ان سے ملاقات کرکے خوشی ہوئی۔
بعد ازاں وزیر اعظم عمران خان نے کہا کہ افغانستان یکساں طور پر پاکستان اور امریکہ کے لیے ایک اہم معاملہ رکھتا ہے، خوش قسمتی سے دونوں ممالک ایک ہی پیج پر ہیں، افغانستان میں طالبان سے مذاکرات پر بھی بات ہوئی ہے، پاکستان خطے میں امن و استحکام کا خواہاں ہے۔
No comments:
Post a Comment