سیاسی جماعتیں عوامی مسائل حل کرنے میں ناکام ہوگئی ہیں، کامریڈ امر لال
سوشل ڈیموکریٹک فورم پاکستان بنیادی طور پرایک تھنک ٹینک ہے،جس میں ملک اورعوام کودرپیش مسائل کے حوالے سے غوروخوض کیا جاتا ہے
قائداعظم ؒ نےپاکستان تمام مذاہب اور طبقات کے لئے بنایا تھا، لیکن افسوس ان کےرخصت ہونے کے بعد حکمرانوں اور بالادست طبقات نے اس وژن کو فراموش کردیا
قومی ترقی کے لیے ضروری ہے ملک کے قدرتی۔معدنی وسائل کو پوری طرح سے کسی دبائو کےبغیر استعمال میں لایا جائے
(انٹرویو: طارق کامرن،تصاویر نفیس قادری)
نوائے درویش: کیا سیاسی جماعتیں عوامی مسائل حل کررہی ہیں؟
امرلال : سوشل ڈیموکریٹک فورم پاکستان کے روح رواں اور ترقی پسند رہنما کامریڈ امر لال نے کہا سیاسی جماعتیں عوامی مسائل حل کرنے میں ناکام ہوتی جارہی ہیں،اسی بنا پر عوام ان سے بتدریج لاتعلق ہوتے جارہے ہیں،جب وہ ڈیلیور کرنا کردیں گیں تو عوام بھی انہیں ری جوائن کرنا شروع کردیں گے۔
نوائے درویش:کیا سیاسی جماعتوں کا کوئی لائحہ عمل ہے؟
امرلال : عوام کو بے روزگاری،مہنگائی، صحت اور تعلیمی سہولتوں کے فقدان کا سامنا ہے، لیکن سیاسی جماعتیں صرف نعرے بازی کرنے کے سوا کچھ نہیں کررہیں،ان کے پاس ان بنیادی مسائل کو حل کرنے کے لئے کوئی پروگرام ،کوئی لائحہ عمل اور صلاحیت نہیں ہے،سیاسی پارٹیوں کو اس صورتحال کوایڈریس کرنا ہوگا۔
نوائے درویش: سیاسی سرگرمیوں کاآغاز کب کیا؟
امرلال : سیاسی سرگرمیوں کا آغاززمانہ طالب علمی سے ہی کردیا تھا۔ اس دور میں لیفٹ کی مختلف طلبا تنظیمو ں سےوابستہ رہے۔انہوں نے کہا اپنےسیاسی نظریات کی وجہ سے قید وبند کی صعوبتیں برداشت کیں۔ مارشل لا میں روپوش بھی ہونا پڑا مگر اپنی نظریاتی وابستگی پر حرف نہیں آنے دیا۔
نوائے درویش:سوشل ڈیمو کریٹک فورم کے بارے میں بتائیں؟
امرلال : سوشل ڈیموکریٹک فورم پاکستان بنیادی طور پرایک تھنک ٹینک ہے،جس میں ملک اورعوام کودرپیش مسائل کے حوالے سے غوروخوض کیا جاتا ہےاوران کے حل کے راستے تلاش کئے جاتے ہیں، ہمارے اس فورم میں ترقی پسند نظریاتی لوگوں کے ساتھ ساتھ دیگرروشن خیال افراد بھی شامل ہیںکیونکہ ملک اور اس کے شہریوں کی فلاح وبہبود تو سبھی مکاتب فکر کی خواہش اور کوشش ہے۔
نوائے درویش:کیا سیاسی لیڈر قائد اعظم محمد علی جناح کے وژن پر کام کررہے ہیں؟
امرلال : ترقی پسند رہنما کا کہنا ہے قائداعظم ؒ نےپاکستان تمام مذاہب اور طبقات کے لئے بنایا تھا، جہاں ہر مذہب اور رنگ ونسل کے لوگوں کو اپنے اپنے عقائد کے مطابق زندگی بسر کرنے کی آزادی اور صلاحیتوں کے اظہار کے مساوی مواقع دستیاب ہوں گے لیکن افسوس قائداعظمؒ کےرخصت ہونے کے بعد حکمرانوں اور بالادست طبقات نے قائداعظم ؒکے اس وژن کو فراموش کردیا۔
نوائے درویش: سوشل ڈیموکریٹک پروگریسو فورسز کو کیا کرنے کی ضرورت ہے؟
امرلال : عوام کو سو شل ڈیموکریٹک پروگریسو فورسز کے اتحاد کی ضرورت ہے۔
نوائے درویش: قومی ترقی کے لئے کس بات کی ضرورت ہے؟
امرلال : کامریڈ امر لال نے کہا قومی ترقی کے لیے ضروری ہے ملک کے قدرتی۔معدنی وسائل کو پوری طرح سے کسی دبائو کےبغیر استعمال میں لایا جائے۔
نوائے درویش: کیا اردو کے علاوہ بھی دیگر زبانوں کو بھی قومی درجہ ملنا چاہئے؟
امرلال : اردو ہماری قومی اور رابطے کی زبان ہے اس کا اپنا ایک مقام ہے لیکن ملک میں بولی جانیوالی دیگر زبانوں سندھی۔پنجابی۔بلوچی اورپشتو کوبھی قومی زبان کا درجہ ملنا چاہیے۔
خوب، زبردست، نہایت سادہ و عام فہم انداز سے اہم موضوعات پر اظہار رائے بھلا لگا۔
ReplyDelete