کراچی میں نئے سال کی پہلی بارش، سردی میں اضافہ
کراچی(مانیٹرنگ ڈیسک)کراچی کے مختلف علاقوں میں نئے سال کی پہلی بارش ہوئی اور سردی میں مزید اضافہ ہوگیا جبکہ محکمہ موسمیات نے ملک کے بالائی علاقوں میں شدید برف باری اور بارش کی پیش گوئی بھی کردی۔
محکمہ موسمیات کے مطابق کراچی میں اگلے دو روز تک سردی میں مزید اضافہ کا امکان ہے اور درجہ حرارت کم ازکم 7 سے 9 جبکہ زیادہ سے زیادہ 20 سے 22 ڈگری سینٹی گریڈ تک رہنے کی پیش گوئی کی ہے۔کراچی میں 2020 کی پہلی بارش ہوئی جہاں ملیر ہالٹ اور اطراف میں ہلکی بارش ہوئی اور شہر کا درجہ حرارت مزید گرگیا جبکہ سردی کی یہ لہر مزید ایک ہفتے جاری رہنے کا امکان ہے۔
شدید بارش کے باعث کشمیر، گلگت بلتستان، مالاکنڈ اور ہزارہ کے اضلاع میں لینڈ سلائیڈنگ اور برفانی تودے گرنے کا اندیشہ ہے۔
No comments:
Post a Comment